Ermənistan Qarabağa xüsusi təyinatlı polis dəstəsi göndərib

Ermənistan Qarabağa xüsusi təyinatlı polis dəstəsi göndərib

Jurnalistlər polis formasında olan insanların olduğunu qeyd ediblər.

Ermənistanın xüsusi polis dəstələri Qarabağa ezam edilib. 

Oxu.Az xəbər verir ki, bu barədə “Çorrord işxanutyun” qəzeti polisə yaxın mənbələrdən alınan məlumata əsasən yazır. 

Jurnalistlər Qarabağda Ermənistan polisi geyimində insanların olduğunu, eləcə də bu strukturlara xidmət edən maşınların Qarabağa istiqamət götürdüyünü qeyd ediblər.

“Dünən bizə məlum olub ki, Ermənistanın xüsusi təyinatlı polis dəstələri “DQR” müvafiq məmurlarının rəhbərliyi altında Sərsəng su anbarı ərazisində gücləndirilmiş xidmət aparırlar.

“DQR” “polisi” öz rəsmi saytında Qarabağda erməni xüsusi təyinatlı polis dəstəsinin olduğunu təsdiqləyib, bu barədə məqaləni isə “Dağlıq Qarabağ” və Ermənistan polisinin gücləndirilmiş xidməti” adını veriblər, - qəzet yazır.

0
12