Yerevanda etiraz aksiyasının iştirakçıları dağılmaq qərarına gəldilər

Yerevanda etiraz aksiyasının iştirakçıları dağılmaq qərarına gəldilər

Yerevanda post patrul xidməti binasını zəbt edən silahlı qrupa dəstək aksiyasının iştirakçıları dağılmaq və cümə axşamı yenidən toplaşmaq qərarına gəliblər.

Oxu.Az xəbər verir ki, bu barədə RİA Novosti məlumat yayıb.

“Hazırda sakitçilikdir və evlərimizə dağılırıq. Sabah Azadlıq meydanında saat 20:00-da toplaşacağıq”, - aksiya iştirakçılarından biri deyib.

Aksiya Movses Xorenatsi küçəsində post patrul xidmətinin polis tərəfindən mühasirə edilmiş ərazinin yaxınlığında keçirilirdi. Hüquq mühafizəçiləri aksiya iştirakçılarını bu ərazidə aksiya keçirməyin qanunsuz olduğuna dair xəbərdarlıq edərək başqa bir yerdə keçirməyə çağırıblar.

Səhər tezdən polis bu küçədə vətəndaşları səbəbi izah etmədən saxlayırdı. İlkin məlumata görə, 150 nəfər saxlanılıb.

Sonradan onların əksəriyyəti evə buraxılıb.

0
3