İsmayıllıda oğlan sevdiyi qıza görə özünü yandırdı

İsmayıllıda oğlan sevdiyi qıza görə özünü yandırdı

İsmayıllı rayonunda dəhşətli intihar hadisəsi baş verib.

Oxu.Az AzVision.az-a istinadən xəbər verir ki, ötən gün rayon sakini, 29 yaşlı Elnur Dəmirov özünü yandıraraq həyatına qəsd edib.

Ağır yanıq xəsarətləri alan gənc Respublika Yanıq Mərkəzinə gətirilib. Vəziyyəti ağır olduğundan onun həyatını xilas etmək mümkün olmayıb.

“Xəstənin vəziyyəti çox ağır idi. Onun həyatını xilas etmək üçün əlimizdən gələni etdik. Təəssüflər olsun ki, yardımlarımıza baxmayaraq, xəstə dünyasını dəyişdi”, - deyə xəstəxanadan bildirilib.

Saytın məlumatına görə, Elnur Dəmirov sevdiyi qıza görə intihar edib. Sakinlərin sözlərinə görə, 29 yaşlı oğlan özün sevdiyi qızın evinin qarşısında yandırıb.

“Elnur həmin qızla ailə həyatı qurmaq istəyirdi. Amma qızın valideynləri buna razı deyildilər. Elnur sevdiyi qıza qovuşa bilmədiyi üçün bir neçə dəfə özünü öldürəcəyini demişdi. Heç kim buna inanmırdı.

O, sonucu dəfə sevdiyi qızgilə gedib, bu dəfə də razılıq ala bilməyib. Bundan qəzəblənən Elnur üstünə benzin törərək özünü yandırıb”.

0
16