Avropa İttifaqı: Türkiyə hökuməti şərtləri yerinə yetirməlidir

Avropa İttifaqı: Türkiyə hökuməti şərtləri yerinə yetirməlidir

Avropa Komissiyası bu il Türkiyə ilə viza rejimini ləğv etməyəcək.

APA-nın "Reuters"ə istinadən verdiyi xəbərə görə, Avropa İttifaqının rəqəmsal iqtisadiyyat və cəmiyyət məsələləri üzrə komissarı Günter Ottinger Türkiyədə hərbi çevrilişə cəhddən sonra başlayan həbs və işdən çıxarılma dalğası ilə əlaqədar ölkəyə bu il vizasız səyahat haqqı veriləcəyini təxmin etmədiyini deyib. O bildirib ki, Türkiyə hökuməti Brüssel tərəfindən müəyyənləşdirilən şərtləri yerinə yetirməlidir: "Qanunun aliliyi təmin olunmalıdır. Hazırda biz bunu müşahidə etmirik".

G. Öttinger bu yaxınlarda Türkiyədə millət vəkilliyi toxunulmazlığının ləğv olunmasını və çevriliş cəhdindən sonra aparılan təmizləmələri tənqid edərək bəyan edib ki, bu, müxalif partiyaların, azadlıqların sıxışdırılmasına yönəlib: "Dövlət bir anda minlərlə hakimdən imtiana edə bilməz. Məhkəmələrin müstəqlliyi əsas elementdir".

0
11