Məşhur müğənni generalın qaçırılmasına şahid olub: "Qorxu dolu gecə idi"

Məşhur müğənni generalın qaçırılmasına şahid olub: "Qorxu dolu gecə idi"

Türkiyədə 15 iyun gecəsinin şahidlərindən biri də tanınmış müğənni Özgündür. Lent.az-ın Türkiyə mətbuatına istinadən məlumata görə, ifaçı həmin gecə  İstanbulda general İlhan Şanverin qızının toyunda səhnə alıb. Hava Qüvvələri Komandanı, ordu generalı Abidin Ünal başda olmaqla, toyda iştirak edən bütün generallar və yüksək səviyyəli komandirlər qiyamçılar tərəfindən vertolyota mindirilərək, naməlum istiqamətə aparılıb.

Özgün həmin gecə gördükləri ilə bağlı bunları danışıb: "General toydan çıxarılanda səhnədən düşdüm. Vertolyotla gələn əsgərlər havaya 7 dəfə atəş açdılar. Həyat yoldaşım və musiqiçilərimlə 6 saat məkandan çıxa bilmədik. Ortalıq sakitləşəndə əsgərlərin müşayiəti ilə avtomobilə mindirildik. Evimizə gedə bilmədik, bir dostumuzgildə qaldıq. Uzun və qorxu dolu bir gecə idi. Bu xaosun, pis hadisələrin, ölümlərin sona çatmasını istəyirik".

0
13