Azərbaycan neftinin qiyməti 49 dollara yaxınlaşıb

Azərbaycan neftinin qiyməti 49 dollara yaxınlaşıb

Dünya bazarlarında digər markalar üzrə neftin qiyməti ucuzlaşır.

Azərbaycanın dünya bazarına çıxararaq satdığı “AzeriLight” markalı xam neftin bir barelinin qiyməti 1,48 dollar və yaxud 3,13% bahalaşıb.

Oxu.Az xəbər verir ki, “AzeriLight” markalı neftin bir barelinin qiyməti 48,81 dollara bərabər olub.

Dünya bazarında digər markalar üzrə isə neftin qiyməti ucuzlaşır. Bu gün Bakı vaxtı ilə saat 10:00-a olan məlumata görə, ICE London qitələrarası birjasında Brent markalı neftin qiyməti 0,65% azalaraq bir barelə görə 46,96 dollar olub.

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti barelə görə 0,61% aşağı enərək 45,28 dollar təşkil edib.

Qeyd edək ki, analtiklər neftin qiymətinin tələbin azlığı və təklifin çoxluğu səbəbi ilə yenidən 40 dollara doğru enə biləcəyini proqnoz edir.

0
18