İŞİD-in Əfqanıstan və Pakistandakı lideri məhv edilib

İŞİD-in Əfqanıstan və Pakistandakı lideri məhv edilib

Xəlifə Pakistanda bir sıra terror aktlarının təşkilatçısı olub.

ABŞ Hərbi-Hava Qüvvələrinin endirdiyi hava zərbəsi nəticəsində Əfqanıstanda İŞİD terror qruplaşmasının liderlərindən biri Ömər Xəlifə zərərsizləşdirilib.

Oxu.Az-ın TASS-a istinadən məlumatına görə, bu barədə iyulun 13-də Pentaqonun mətbuat katibi Piter Kuk bəyan edib.

Onun sözlərinə görə, Nanqarxar əyalətinə endirilən aviazərbələr zamanı Ömər Xəlifə ilə birgə “İŞİD-Xorasan” qruplaşmasının 4 üzvü də məhv edilib.

“Xəlifə Pakistanda bir sıra terror aktlarının təşkilatçısı olub. O, 2016-cı ildə Baça-Xan şəhərində universitetə, 2015-cı ildə Badaber şəhərində hərbi bazaya, 2014-cü ildə isə Peşəvər şəhərində məktəbə edilən hücumlara bilavasitə rəhbərlik edib”, - deyə P.Kuk bildirib.

0
31