Ukrayna prezidenti Bakıya yola düşüb

Ukrayna prezidenti Bakıya yola düşüb

Azərbaycan ilə Ukrayna arasında əməkdaşlığın gücləndirilməsinə yönəlmiş bir sıra ikitərəfli sazişlər imzalanacaq.

Ukrayna prezidenti Pyotr Poroşenko Bakıya yola düşüb.

Oxu.Az Ukrayna KİV-nə istinadən xəbər verir ki, Ukraynanın dövlət başçısı Azərbaycana iki günlük səfərlə gəlir.

Səfər proqramına Pyotr Poroşenkonun Azərbaycan Prezidenti İlham Əliyev, eləcə də baş nazir Artur Rasi-zadə və Milli Məclisinin spikeri Oqtay Əsədovla görüşləri də daxildir.

Səfər çərçivəsində P.Poroşenko azərbaycanlı həmkarı İlham Əliyevlə birlikdə Ukrayna və Azərbaycan Prezidentləri Şurasının beşinci iclasını keçirəcək.

Səfər zamanı müxtəlif sahələrdə Azərbaycan ilə Ukrayna arasında əməkdaşlığın gücləndirilməsinə yönəlmiş bir sıra ikitərəfli sazişlərin imzalanması planlaşdırılır.

0
10