“Air İndia” təyyarəsi Bakıya məcburi eniş edib

“Air İndia” təyyarəsi Bakıya məcburi eniş edib

Göyərtədə 206 sərnişin olub.

“Air İndia” aviaşirkətinə məxsus London-Mumbay marşrutu üzrə reys həyata keçirən təyyarə ötən gün gecə saatlarında Heydər Əliyev Beynəlxalq Hava Limanına məcburi eniş edib.

Oxu.Az-ın xəbərinə görə, bunu Trend-ə hava limanından deyiblər.

Qeyd ediblər ki, göyərtəsində 206 sərnişin olan təyyarə texniki səbəblərə görə saat 22:00 radələrində Bakı aeroportuna uğurlu eniş edib.

“Air İndia" sərnişinləri Mumbaya çatdırmaq üçün Bakıya digər təyyarə göndərib. Həmin təyyarə yerli vaxtla saat 14:37-də bütün sərnişinlərlə birlikdə Bakıdan havaya qalxıb”, - deyə məlumatda bildirilir.

0
10