Yüzlərlə insan Abxaziya DİN-in binasına hücum çəkib

Yüzlərlə insan Abxaziya DİN-in binasına hücum çəkib

Aksiyada 700 nəfərə yaxın adam iştirak edir.

Suxumidə müxalifət qüvvələrinin mitinqində iştirakçılar Abxaziyanın daxili işlər naziri Leonid Dzapşbanın istefasını tələb ediblər və qurumun binasının giriş qapısını sındırıblar.

Oxu.Az xəbərinə görə, bu barədə iyulun 5-də “Sputnik Abxaziya” portalı yazır.

Nəşrin məlumatına əsasən, nazirliyin binasının ətrafına yanğınsöndürən maşınları cəlb edilib, lakin su şırnaqlarından istifadə olunmayıb.

Etirazçılar bildiriblər ki, respublikanın prezidenti Raul Xadjimba daxili işlər naziri Leonid Dzapşbanı vəzifəsindən azad etməyənə qədər aksiyanı dayandırmayacaqlar.

“İnterfaks”ın məlumatına görə, aksiyada 700 nəfərə yaxın adam iştirak edir.

0
14