XİN Ştaynmayerin Saakyanla görüşünü şərh etdi

XİN Ştaynmayerin Saakyanla görüşünü şərh etdi

“Ştaynmayerin Bako Saakyanla görüşü Azərbaycanın Dağlıq Qarabağ bölgəsinin erməni icması ilə görüş xarakteri daşıyır”.

Oxu.Az-ın xəbərinə görə, bu sözləri Azərbaycan XİN-nin mətbuat xidmətinin rəhbəri Hikmət Hacıyev  Almaniyanın xarici işlər üzrə federal naziri, ATƏT-in fəaliyyətdə olan sədri Frank Valter Ştaynmayerin Ermənistanda Bako Saakyanla görüşünü şərh edərkən deyib.

Onun sözlərinə görə, Azərbaycana səfər müddətində Ştaynmayer Azərbaycanın Dağlıq Qarabağ bölgəsinin Azərbaycanlı icmasının nümayəndələri ilə də görüşəcək, həmçinin, məcburi köçkünlər üçün tikilmiş yaşayış məntəqəsi ilə tanış olacaq.

Qeyd edək ki, Almaniyanın xarici işlər naziri Frank Valter Ştaynmayer Ermənistana səfəri çərçivəsində bu gün səhər İrəvanda Dağlıq Qarabağ separatçılarının lideri Bako Saakyanla görüşüb.

Xatırladaq ki, ATƏT sədrinin iyunun 29-da regiona səfəri başlayıb. O, dünən Ermənistanda görüşlər keçirib, bu gün isə Azərbaycana gəlir.

İyulun 1-də isə Ştaynmayer Gürcüstana səfər edəcək.

0
14