Oxu.Az Bakı Şəhər Halqası Əməliyyat Şirkətinin diplomuna layiq görülüb

Oxu.Az Bakı Şəhər Halqası Əməliyyat Şirkətinin diplomuna layiq görülüb

Bakı Şəhər Halqası Əməliyyat Şirkəti (BŞH) Oxu.Az İnformasiya Agentliyini diplom və xatirə hədiyyəsi ilə mükafatlandırıb.

Mükafatlar agentliyin Bakıda ilk dəfə keçirilmiş Formula 1 üzrə Avropa Qran Prisindəki məhsuldar fəaliyyəti ilə əlaqədar təqdim olunub.  

BŞH-nin sədri, gənclər və idman naziri Azad Rəhimovun imzaladığı diplomda Oxu.Az-ın Avropa Qran Prisi barədə ictimaiyyət arasında məlumatlılığın artırılmasında və yarışla əlaqədar görülən işlərin davamlı şəkildə yüksək səviyyədə işıqlandırılmasında böyük xidmət göstərdiyi vurğulanıb. 

Qeyd edək ki, iyunun 17-19-da Bakıda keçirilən “Formula-1” Avropa Qran Prisi sürət həvəskarlarına həyəcanlı və adrenalin dolu anlar yaşadıb. 

“Formula-1” üzrə dünya çempionatının səkkizinci mərhələsi olan Bakı Qran Prisini 187 ölkədə 500 milyon tamaşaçı izləyib. 

Bu müddət ərzində də Oxu.Az öz oxucularına operativ olaraq məlumatların çatdırılmasını təmin edib.

0
34