İstanbul terrorçularının alçaq planı

İstanbul terrorçularının alçaq planı

Panikaya düşən insanlar çıxışa tərəf qaçıblar.

Bu gün gecə İstanbulun Atatürk hava limanında baş verən partlayışda insan tələfatının sayını artırmaq üçün terrorçular xüsusi plan hazırlayıblar.

Oxu.Az-ın “Yeni Şafak” qəzetinə istinadən verdiyi xəbərinə görə, X-RAY (rentgen) cihazından keçən terrorçulardan biri “Burada bomba partlayacaq” deyə qışqırıb.

Panikaya düşən insanlar çıxışa tərəf qaçıblar. Orada isə onları daha iki terrorçu gözləyirdi. Onlar əvvəlcə insanlara avtomatdan atəş açıblar, sonra isə özlərini partladıblar.

Xatırladaq ki, bu gün gecə saatlarında İstanbul hava limanının beynəlxalq uçuşlar terminalında üç terrorçu-kamikadze özünü partladıb, nəticədə 36 nəfər ölüb, 147 nəfər isə yaralanıb.

0
15