Qrizmanın dublu Fransanı növbəti mərhələyə çıxardı

Qrizmanın dublu Fransanı növbəti mərhələyə çıxardı

İrlandiya millisinin heyətində Robert Breydi çempionatın ən tez qolunu vurub.

Fransa yığması futbol üzrə Avropa çempionatının 1/8 final mərhələsində İrlandiya millisini məğlub edib.

Oxu.Az xəbər verir ki, matç iyunun 26-da Lyonun “Stad de Lümer” stadionunda keçirilib. Didye Deşamın yetirmələri 2:1 hesablı qələbə qazanıblar.

Hesabı 3-cü dəqiqədə İrlandiya komandası açıb. Robert Breydi penalti zərbəsini dəqiq yerinə yetirərək çempionatın ən tez qolunu vurub.

Bundan sonra üstünlüyə ələ keçirən fransızlar 57 və 61-ci dəqiqələrdə Antuan Qrizmanın vurduğu qollarla görüşdən qalib ayrılıblar.

Növbəti mərhələdə Fransa komandası İngiltərə-İslandiya matçının qalibi ilə qarşılaşacaq.

0
26