Bakıdan Bolqarıstana avtobus marşrut xətti istifadəyə verilir

Bakıdan Bolqarıstana avtobus marşrut xətti istifadəyə verilir

Bolqarıstana sərfəli qiymətlə və komfortlu avtobuslarla səyahət etmək daha asan olacaq.

İyulun 1-dən Bakıdan Bolqarıstana avtobus marşrut xətti istifadəyə veriləcək.

Bu barədə Oxu.Az-a Bakı Beynəlxalq Avtovağzalından məlumat verilib.

Məlumatda bildilir ki, artıq Bolqarıstana sərfəli qiymətlə və komfortlu avtobuslarla səyahət etmək daha asan olacaq.

Belə ki, növbəti aydan Bakı-İstanbul-Sofiya, Bakı-İstanbul-Varna, Bakı-İstanbul-Burqas istiqamətində reyslər həyata keçiriləcək. Avtobus reysləri Türkiyənin “Metro Turizm” şirkəti ilə bağlanan müqaviləyə əsasən baş tutacaq.

Reyslər həftənin 2-4-6-cı günləri həyata keçiriləcək. Biletin qiyməti 130 AZN təşkil edir.

Xatırladaq ki, Azərbaycan Respublikası ilə Bolqarıstan Hökuməti arasında sadələşdirilmiş viza rejimi tətbiq olunur.

0
64