Zaxarova: Qarabağ münaqişəsinin həlli üçün yeni format fikirləşmirik

Zaxarova: Qarabağ münaqişəsinin həlli üçün yeni format fikirləşmirik

“Bənzər format əvvəllər də həssas məsələlərin müzakirəsi zamanı istifadə edilib”.

“Prezidentlərin Sankt-Peterburqda keçirilən görüşü Rusiyanın guya danışıqların yeni formatını fikirləşməsi, ATƏT-in Minsk qrupunun üzvlərini kənarlaşdıraraq hər şeyi öz əlinə alması ilə bağlı narahatlığın əsassız olduğunu göstərdi”.

Oxu.Az “Report”a istinadən xəbər verir ki, bunu keçirdiyi brifinqdə Rusiya Xarici İşlər Nazirliyinin sözçüsü Mariya Zaxarova Azərbaycan, Ermənistan və Rusiya prezidentlərinin bu il iyunun 20-də Sankt-Peterburqda keçirdiyi görüşün yekunlarını şərh edərkən deyib.

O, bənzər formatın əvvəllər də həssas məsələlərin müzakirəsi zamanı istifadə edildiyini xatırladıb:

 “Buna görə də həmsədr ölkələrin nümayəndələri ilə sıx əlaqə saxlanılır. Onlar prezidentlərin Sankt-Peterburqdakı görüşü barədə məlumatlandırılmışdı. Bu proses görüşdən xeyli əvvəl həyata keçirilmişdi”.

M.Zaxarova tərəflərin açıq şəkildə belə görüşlərin keçirilməsinin tərəfdarı olduqlarını qeyd etdiklərini də vurğulayıb.

0
14