Növbəti erməni yalanı ifşa olundu

Növbəti erməni yalanı ifşa olundu

“Kanalın redaksiyası bu verilişi efirə verməkdən qəti imtina edib”.

Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev Moldovanın “TV7” telekanalının çəkiliş qrupunun Azərbaycanın Ermənistan tərəfindən işğal olunmuş ərazilərinə səfər etməsi və oradan reportaj hazırlaması barədə erməni KİV-in yaydığı məlumatları şərh edib.

Oxu.Az-a danışan XİN rəsmisi bildirib ki, Azərbaycanın Moldovadakı səfirliyi məsələni nəzarətə götürüb və Moldovanın “TV7” telekanalının rəhbərliyinə müraciət edərək, bu faktı araşdırıb

Məlumata əsasən, Moldovanın “TV7” telekanalının rəhbərliyi Azərbaycan Respublikasının Moldova Respublikasındakı Səfirliyinə məktubla müraciət edərək, yaranmış vəziyyətə görə üzrxahlığını ifadə edib.

Belə ki, kanalın rəhbərliyi hazırlanmış reportajın “TV7” telekanalında efirə getmədiyini bildirərək, müvəqqəti olaraq daxili istifadə üçün yalnız videohostinq-də yerləşdirildiyini bildirib. Münaqişəyə münasibətdə müəllifin baxışı ilə kanalın redaksiya siyasəti arasında uyğunsuzluğu əsas götürərək, yekunda kanalın redaksiyası bu verilişi efirə verməkdən qəti imtina edib.

Məktubda o da qeyd olunur ki, hazırki süjetin müəllifi və artıq “TV7” telekanalından xaric edilmiş Lyuba Maksim kənar şəxslər üçün qapalı olan video link-i onun işğal olunmuş Azərbaycan ərazilərinə səfərini təşkil etmiş Brüsseldə yerləşən “European Friends of Armenia” erməni lobbi və diaspora təşkilatina göndərib.

Kanal rəhbərliyi məktubunda keçmiş əməkdaşın qeyri-dürüst əməllərinə görə özünü zərər çəkmiş tərəf hesab etdiyini bildirib və bir daha ən səmimi üzrxahlığını ifadə edib.  

Hikmət Hacıyev əlavə edib ki, “European Friends of Armenia” təşkilatı isə Ermənistan KİV-ə ilə birlikdə Youtube-da yerləşdirilmiş bu videonu yalandan Moldova televiziyasında efirə getmiş veriliş kimi təqdim etməyə çalışıb:

“Amma aparılmış araşdırma və kanalın rəhbərliyinin müdaxiləsi nəticəsində bu yalan ifşa olunub. Youtube videohostinqindən də bu video silinmişdir”.

0
16