Amerikalı konqresmen erməni təcavüzünü tənqid etdi

Amerikalı konqresmen erməni təcavüzünü tənqid etdi

Koen İrəvanın hərəkətlərindən təssüfləndiyini bildirib.

ABŞ Konqresinin Nümayəndələr Palatasında Azərbaycan üzrə İşçi Qrupun həmsədri, Tennesi ştatından seçilmiş demokrat konqresmen Stiv Kohen 7 aprel tarixində Ermənistanın Azərbaycana qarşı hərbi aqressiyasını tənqid edən bəyanatla çıxış edib.

Azərbaycanın ABŞ-dakı səfirliyindən Oxu.Az-a verilən xəbərə görə, bəyanatda Azərbaycan və Ermənistan arasında bu yaxınlarda əldə edilmiş atəşkəs razılaşmasının alqışlandığı bildirilir.

Buna baxmayaraq, konqresmen Kohen Ermənistanın Azərbaycan tərəfinin zorakılığın dayandırılması məqsədi ilə ötən bazar günü irəli sürdüyü atəşkəs təklifini dərhal müsbət cavablandırmaması və hərbi əməliyyatları davam etdirməsinin təəssüf doğurduğunu ifadə edib.

Sonda konqresmen Ermənistandan əldə edilmiş atəşkəs razılığına sadiq olmağı və uzun müddət davam edən bu münaqişənin həll edilməsi üçün ATƏT-in Minsk Qrupu çərçivəsində Azərbaycanla əməkdaşlıq etməyi tələb edib.

Mənbə:
0
13