FİFA-nın sabiq prezidentindən ŞOK AÇIQLAMA

FİFA-nın sabiq prezidentindən ŞOK AÇIQLAMA

FİFA-nın sabiq prezidenti Zepp Blatter şok açıqlama ilə diqqət çəkib. Apasport.az saytının xarici mətbuata istinadən məlumatına görə, o, püşkatmalar zamanı qanunsuzluğa yol verildiyini etiraf edib.

1998-2016-cı illər aralığında ali futbol qurumuna rəhbərlik etmiş və bu müddətdə rüşvət almaq və verməkdə ittiham edilərək vəzifəsindən uzaqlaşdırılmış Blatter Avropa turnirlərindən birində püşkatma zamanı saxtakarlıq olunduğunu söyləyib.

Lakin o, həmin saxtakarlığın hansı turnirdə və nə zaman edildiyini açıqlamayıb: “Milyonlarla insanın canlı izlədiyi püşkatma zamanı belə, saxtakarlıq etmək mümkündü. Çünki bunu öz gözlərimlə görmüşəm. Avropa turnirlərinin birinin püşkatması idi. Həmin saxtakarlığın təşkilatçısı isə bir İtaliya komandası idi. İsti və soyuq şarlar vasitəsilə istədikləri komandanın adını səbətdən çıxara bilmişdilər. Mən də buna şəxsən şahid olmuşam”.

80 yaşlı isveçrəli futbol adamı özünün belə qanunsuzluqlara qarışmadığını da əlavə edib: “Digər prezidentlərdən fərqli, mən heç vaxt püşkatma mərasimlərində iştirak etməmişəm. Onlar isə səbətdən şəxsən özləri topları götürüb, cütlükləri müəyyən ediblər. Vəzifədə olduğum müddətdə heç vaxt qanunsuz iş görmədim. Bu baxımdan vicdanım rahatdı”.

Qeyd edək ki, adı korrupsiyada hallanan Yozef Blatter 8 il müddətinə futboldan uzaqlaşdırılma cəzası alıb.

0
12