Bundestaqın türk əsilli üzvlərinə Türkiyəyə getməmək məsləhət görüldü

Bundestaqın türk əsilli üzvlərinə Türkiyəyə getməmək məsləhət görüldü

Almaniyanın Xarici İşlər Nazirliyi gizli şəkildə türk əsilli deputatlara yaxın zamanlarda Türkiyəyə getməməyi məsləhət görüb.

APA-nın “Spiegel Online” nəşrinə istinadən verdiyi xəbərə görə,  deputatlara Türkiyəyə getmək hələlik  məsləhət görülmür, əks təqdirdə  onların təhlükəsizliyinə zəmanət verilməyəcək.   

Bundan başqa bildirilir ki,  türk əsilli deputatların əksəriyyəti Türkiyəyə ezamiyyət və məzuniyyətlərdən imtina edib. Məlumatda bildirilir ki, deputatlardan biri hətta Türkiyədə yaşayan valideynlərindən başqa ölkəyə köçmələrini xahiş edib.

Xatırladaq ki, Almaniya Bundestaqı iyunun 2-də uydurma “erməni soyqırımı”nın tanınmasının nəzərdə tutan qətnamə layihəsini qəbul edib.

Qətnamə layihəsinin təşəbbüskarları iqtidardakı xristian birlik partiyaları (CDU/CSU) və müxalifətdəki Yaşıllar Partiyası olub. Layihənin əleyhinə 1 nəfər səs verib, daha 1 parlament üzvü isə bitərəf qalıb.

0
13