BMT Jurnalistlərin Müdafiəsi Komitəsinə status vermədi

BMT Jurnalistlərin Müdafiəsi Komitəsinə status vermədi

Jurnalistlərin Müdafiəsi Komitəsi (JMK) BMT-də konsultativ (məsləhətçi) statusu ala bilməyib. APA-nın “RİA Novosti”yə istinadən verdiyi xəbərə görə, müvafiq qərar BMT-nin Qeyri Hökumət Təşkilatları üzrə Komitəsi tərəfindən qəbul olunub.

JMK-nın hələ 2012-ci ildə verdiyi müraciətin “əleyhinə” 10 səs, “lehinə” 6 səs verilib, daha 3 üzv ölkə “bitərəf” olub.  JMK-ya BMT-də məsləhətçi statusunun verilməsinə qarşı çıxış edən ölkələr arasında Çin, Rusiya və CAR da var.     

BMT-nin Qeyri Hökumət Təşkilatları üzrə Komitəsinə 19 ölkə daxildir. Komitənin hazırkı üzvləri Azərbaycan, Burundi, Venesuela, Yunanıstan, Qvineya, İsrail, Hindistan, Çin, Kuba, Mavritaniya, Nikaraqua, Pakistan, Rusiya, Sudan, ABŞ, Türkiyə, Uruqvay, Cənubi Afrika Respublikasıdır.  

BMT baş katibinin rəsmi nümayəndəsi Farhan Xak BMT Komitəsinin qərarını şərh etməkdən imtina edib. O, BMT  və Pan Qi Munun JMK ilə qarşılıqlı fəaliyyət göstərdiyini qeyd edib.

ABŞ-ın müstəqil QHT-si hesab edilən JMK-nın mənzil qərargahı Nyu Yorkda yerləşir.

0
13