Kuba sahibkarlığı rəsmiləşdirməyə qərar verdi

Kuba sahibkarlığı rəsmiləşdirməyə qərar verdi

Kuba kiçik və orta özəl şirkətlərin fəaliyyətini qanuniləşdirmək niyyətindədir. Bu addım adada qanuni əsaslarla fəaliyyət göstərən özəl sektorun genişləndirilməsinə hesablanıb.  APA-nın “RİA Novosti”yə istinadən verdiyi xəbərə görə, Kuba Kommunist Partiyasının dərc edilmiş təkliflərinə  əsasən, müvafiq sahibkarlıq fəaliyyəti ilə hər hansı bir işçi və onun ailə üzvləri, həmçinin, kiçik və orta müəssisə anlamına uyğun gələn özəl müəssisələr məşğul ola biləcəklər.

Təklifin yerli parlament tərəfindən təsdiqlənməsi gözlənilir.

Bu ilin mart ayına olan məlumata əsasən, Kubada 507 min fərdi sahibkar qeydiyyata alınıb.

Bununla belə, Kuba Kommunist Partiyasının dərc edilmiş sənədlərdə qeyd olunur ki, adada fəaliyyət göstərən dövlət müəssisələri biznesin əsas subyektləri olaraq qalmaqdadır. Məhz onlar strateji sahələrdə istehsalata görə, hərbi sənaye, təhsil və səhiyyə sahələrinə görə məsuliyyət daşıyırlar.  

0
25