Hüquqpozmalar üzrə 61 cinayət işi açılıb - DGK

Hüquqpozmalar üzrə 61 cinayət işi açılıb - DGK

2016-cı ilin birinci rübündə gömrük hüquqpozmaları üzrə 61 cinayət işi başlanıb.

Dövlət Gömrük Komitəsindən Lent.az-a verilən məlumata görə,bu ilin birinci rübündə Komitənin İstintaq İdarəsinin icraatında olan materiallar əsasında 61 cinayət işi başlanıb. Bundan 52 cinayət işinin icraatı başa çatdırılıb ki, həmin işlərdən də 63 şəxs barəsində 47 cinayət işi ittiham aktı ilə baxılması üçün məhkəmələrə göndərilib, 5 cinayət işinin icraatına isə xitam verilib.

Həmin müddət ərzində cinayət işləri üzrə 36867,21 manat vurulmuş ziyan və cinayət işinin başlanılması rədd edilib, materiallar üzrə 101868,55 manat gömrük ödənişləri ödətdirilib.

Eyni zamanda, cinayət işləri üzrə 21 milyon 750 min Rusiya rublu, 4702 manat dəyərində 180,6 qram qızıl-zinət əşyaları və cinayət işinin başlanılması rədd edilən materiallar üzrə 41600 ABŞ dolları, 18103 manat, 10746 manat dəyərində isə 163 ədəd mobil telefon dövlət mülkiyyətinə keçirilib.

Bundan başqa, 2016-cı ilin birinci rübündə İstintaq İdarəsinin icraatında olmuş cinayət işləri üzrə 30728,32 manat məbləğində mülki iddia qanuni qüvvəyə minmiş məhkəmə qərarları əsasında ödətdirilib.

Hazırda İstintaq İdarəsinin icraatında olan 83 cinayət işi üzrə istintaq davam etdirilir.

Mənbə:
0
19