Zakir Həsənov Nəcməddin Sadıkovu təbrik etdi

Zakir Həsənov Nəcməddin Sadıkovu təbrik etdi

Baş Qərargah rəisinin 60 yaşı tamam olur.

Azərbaycan Respublikasının Müdafiə naziri general-polkovnik Zakir Həsənov Müdafiə nazirinin birinci müavini - Silahlı Qüvvələrin Baş Qərargah rəisi general-polkovnik Nəcməddin Hüseyn oğlu Sadıkovu 60 illik yubileyi münasibəti ilə təbrik edib.

Oxu.Az-ın Müdafiə Nazirliyinin mətbuat xidmətinə istinadən verdiyi xəbərə görə, təbrikdə deyilir:

“Sizi 60 illik yubileyiniz münasibəti ilə səmimi-qəlbdən təbrik edir və ən xoş arzularımı bildirirəm.

Ümummilli Liderimiz Heydər Əliyev tərəfindən əsası qoyulmuş Azərbaycan ordusu qısa müddətdə böyük inkişaf yolu keçmiş, möhtərəm prezidentimiz cənab İlham Əliyevin rəhbərliyi altında əcdadlarımızın tarixi hərbi adət-ənənələrini yaşadaraq ölkəmizin müdafiə qüdrətinin artınlmasında böyük nailiyyətlər əldə etmişdir.

Əminəm ki, bundan sonra da xidməti vəzifələrinizi layiqincə yerinə yetirəcək, qarşıya qoyulmuş tapşırıqların uğurla həyata keçirilməsində, ordumuzun inkişafı və daha da qüdrətlənməsi naminə Silahlı Qüvvələrin şəxsi heyətinin döyüş və mənəvi-psixoloji hazırlığının yüksəldilməsində, ixtisas biliklərinə dərindən yiyələnməsində və hərbi intizamının möhkəmləndirilməsində səylərinizi daha da artıracaqsınız.

Sizə möhkəm cansağlığı, uzun ömür, ailə səadəti və xidmətinizdə yeni müvəffəqiyyətlər arzulayıram”.

0
14