“Bu hesabla uduzmaq bizə reallığı göstərdi” – Elxan Məmmədov

“Bu hesabla uduzmaq bizə reallığı göstərdi” – Elxan Məmmədov

AFFA-nın baş katibi Elxan Məmmədov Şimali İrlandiya səfərindən dönərkən jurnalistlərin suallarını cavablandırıb.

- Cari seçmə mərhələdə 4-cü oyunumuz idi və birində uduzmaq da olar. Bu, futboldur. Hər oyunda xal qazanmaq demək olar ki, mümkün deyil. Lakin bu hesala uduzmaq hər birimizə - bizlərə, azarkeşlərə, komandamıza reallığı göstərdi. Böyük arzuya çatmaq üçün hər oyuna çox ciddi hazırlaşmaq lazımdır. Əvvəlki oyunlarda yaxşı nəticələr qazanmışdıq. Komanda oyunun hər anına çox məsuliyyətlə yanaşırdı. Baş məşqçi də qeyd etdi ki, bəzi məqamlarda bir az diqqətsiz olduq. Təbii ki, rəqib komanda fürsəti əldən buraxmayaraq fərqləndi. Düşünürəm ki, hər məğlubiyyətdən müsbət nəticə çıxartmaq lazımdır. Bu məğlubiyyət komandaya dərs olmalıdır. Böyük hədəfləri üçün hər saniyə diqqətli olmaq lazımdır.

- Müzakirəmiz oldu. Uzun yol gəldik və təyyarədə fikir mübadiəsi apardıq. Bəzi futbolçularla fərdi söhbətlər oldu. Təbii ki, baş məşqçi ilə gün ərizndə bir neçə dəfə müzakirələr apardıq. Lakin oyunun təhlili daha sonra olacaq. Prosineçkinin oyunun videoyazısına, əsas anlarına baxdığını gördüm. Baş məşqçimiz komandanın əsas səhvlərini bilir. Artıq indidən növbəti matçlara tapşırıqlarını verəcək. Təbii ki, xal qazandığımız oyunlarda olduğu kimi, xal itirdiyimiz qarşılaşma haqda da müzakirəmiz olacaq. 

- Bu seçmə mərhəldə Almaniyadan başqa hər rəqiblə oynamışıq. Ona görə əminəm ki, baş məşqçi hər komandanın təhlilini apararaq, onlarla növbəti qarşılaşmalara hazırlaşacaq. Ola bilər ki, Prosineçki heyəti artıq 90 faiz bilir. Təbii ki, zədə olmasa. Əlbəttə, Almaniya ilə oyunda xal götürmək çətin olacaq. Reallığı anlamıyıq ki, bu komanda ilə görüşlərdə xal qazanmaq demək olar qeyri-mümkündür. Qrupumuzda heç kim Almaniyadan xal ala bilməyib. Təəssüf ki, Almaniya xal itirmir. Əminəm ki, onlardan xal almağı hər birimiz istəyirik. Heyətlə bağlı məsələ artıq baş məşqçinin qərarıdır. “Bundestim”lə qarşılaşmaya yoxlama matçı kimi baxmaq, yoxsa mübarizə aparmaq istəyi də həmçinin. Onu da unutmayaq ki, Almaniya ilə evdə oynayacağıq. Bu bizim xal qazanmaq üçün əlavə üstünlüyümüz olacaq.

- Əlbəttə. Hazırda qrupda 3-cü yerdə olmağımıza baxmayaraq 7 xalımız var və ən əsası, Şimali İrlandiya ilə eyni xal toplamışıq. 6 oyunumuz qalıb. Bunlardan 2-i Almaniyaya ilədir və xal almaq çətin olacaq. Digər 4 oyundan 3-ü evdədir. Bu fursəti əldən buraxmamalıyıq. Əsas odur ki, komanda üzərinə düşən məsuliyyəti dərk edir.

- Bəlkə bu, bir mesajdır ki, baş məşqçi həmin oyunçulara güvənir və əsas heyətdə meydana buraxır. Onlar öz klublarında əsas heyətdə yer ala bilmirlər, çünki rəqabət yüksəkdir. Ancaq fərdi baxsaq, səviyyələri aşağı deyil.

- Əslində, biz bunu edirik. Cari seçmə mərhələyə 4 il sonrakı böyük yarışa hazırlıq məqsədi ilə yanaşırıq. Belə hədəflər həmişə var. Bu da milli komandanın qrupda yüksək yerlərdən birində bitirməsidir. Ancaq 4 oyundan sonra mübarizəni daha yüksək yerlərdə bitirəcəyimiz görünür. Niyə də yox?!

- Minimum 1 oyun olacaq. Həmin oyun böyük ehtimalla gələn ilin fevralında baş tutacaq. Rəqibin kimliyi və oyunun harada keçiriləcəyi bəlli deyil.

0
4