Bakıda avtobus qəzası: Polis əməkdaşı ölüb – YENİLƏNİB

Bakıda avtobus qəzası: Polis əməkdaşı ölüb – YENİLƏNİB

DİN məlumat yaydı.

Daxili İşlər Nazirliyi (DİN) Bakıda polisin öldüyü qəza ilə bağlı məlumat yayıb. 

Nazirliyin mətbuat xidmətindən Oxu.Az-a verilən məlumata görə, aprelin 25-də paytaxtın Nizami rayonu ərazisində Bakı şəhər sakinləri Kamran Abbasovun idarə etdiyi “Mercedes” və İsmayıl Babayevin idarə etdiyi “Isuzu” markalı (avtobus) avtomobillər toqquşub. 

Nəticədə K.Abbasov hadisə yerində ölüb, İ.Babayevin 2 sərnişini xəstəxanaya yerləşdirilib.

Faktla bağlı Nizami rayon Polis İdarəsi tərəfindən araşdırma aparılır.

Qeyd edək ki, qəzada ölən K.Abbasov mühafizə polisinin əməkdaşı olub.

10:18

Bakıda sərnişin avtobusu qəza törədib.

Oxu.Az xəbər verir ki, APA-nın məlumatına görə, hadisə bu gün səhər saatlarında “Ay işığı” restoranının qarşısında qeydə alınıb.

SOCAR-a məxsus avtobus “Mercedes” markalı minik avtomobili ilə toqquşub. Qəza nəticəsində bir nəfər ölüb, bir neçə nəfər xəsarət alıb.

Nizami rayon Polis İdarəsindən faktı təsdiqləyiblər. Bildirilib ki, qəza nəticəsində ölən şəxs polis əməkdaşıdır, o, minik avtomobilində olub.

Ölən şəxs mühafizə polisində çalışırmış.

Hazırda faktla bağlı araşdırma aparılır.  

0
18