Maliyyə Palatasının sədri: Banklara növbəti xəbərdarlıq məktubu göndərilib

Maliyyə Palatasının sədri: Banklara növbəti xəbərdarlıq məktubu göndərilib

“Qanunvericiliyin tələblərini pozan banklara qarşı ən ciddi tədbirlər görəcəyik”.“Biz banklarda aparılan hər bir əməliyyat haqqında məlumat əldə etmirik. Nəzarət orqanı olaraq banklar bizə ayda bir dəfə hesabatlarını təqdim edir. Biz hesabtlar nəticəsində bankların maliyyə durumunu qiymətləndiririk”.

Oxu.Az xəbər verir ki, bu sözləri jurnalistlərə açıqlamasında MBNP-nın İdarə Heyətinin sədri Rüfət Aslanlı deyib.

“Amma hər hansı bir bankın özü və yaxud onun satış nöqtələri, filialları, şöbələri qanunazidd hərəkət edirlərsə, bu barədə bizə müraciət etmək lazımdır. Belə müraciətlər olduqca biz müvafiq tədbirlər görürük.

Öz tərəfimizdən biz banklara bu yaxınlarda növbəti xəbərdarlıq məktubu yollamışıq. Bankların yüksək menecmenti ilə Maliyyə Platasında xüsusi görüş keçirilib.

Görüş zamanı biz bəyan etmişik ki, hər hansı bir bank indiki əsas vaxtda valyuta əməliyyatlarını aparılması zamanı qanunvericiliyin tələblərinə əməl etməzlərsə, yaxud onu pozarlarsa, biz nəzarət orqanı olaraq qanunvericiliyin müəyyən etdiyi ən ciddi tədbirləri görəcəyik”.

U.A.

0
6