Yeni fransalı həmsədr vəzifəsinin icrasına başladı

Yeni fransalı həmsədr vəzifəsinin icrasına başladı

ATƏT-in Minsk qrupunun yeni fransalı həmsədri Stefan Viskonti artıq vəzifəsinin icrasına başlayıb.

Oxu.Az xəbər verir ki, bu barədə APA-ya Fransa Xarici İşlər Nazirliyindən məlumat verilib.

Nazirlikdən bildirilib ki, yeni həmsədr digər həmkarları ilə birlikdə ATƏT-ə üzv ölkələrin xarici işlər nazirlərinin dekabrın 8-9-da Hamburqda keçiriləcək görüşünə qatılacaq.

ATƏT ölkələri Xarici İşlər Nazirləri Şurasının Hamburq toplantısında həmsədrlərin Azərbaycan və Ermənistan xarici işlər nazirləri ilə görüşləri planlaşdırılır. Həmsədrlər Azərbaycan və Ermənistan xarici işlər nazirlərinin görüşünü təşkil etməyi də nəzərdə tuturlar. Görüşlərdə Azərbaycan və Ermənistan prezidentlərinin görüşünün təşkili əsas müzakirə mövzusu olacaq.

Xatırladaq ki, yeni həmsədr bu vəzifədə Pyer Andryunu əvəz edib.

A.M.

0
4