Mosulda İŞİD komandirlərinin toplantısı zamanı partlayış baş verib

Mosulda İŞİD komandirlərinin toplantısı zamanı partlayış baş verib

“İslam dövləti” (İŞİD) terror təşkilatının liderlərinin görüşü zamanı İraqın Mosul şəhərinin mərkəzində güclü partlayış baş verib.

Oxu.Az “Al Sumaria” telekanalına istinadən xəbər verir ki, hadisə nəticəsində qruplaşmanın bir neçə üzvü ölüb.

“Səbəbi məlum olmayan partlayış səhər saatlarında Mosul şəhərinin mərkəzində As-Sarchana rayonunda İŞİD liderlərinin gizli iclası zamanı baş verib”, - telekanal mənbənin sözlərindən sitat gətirib.

Mənbənin məlumatına görə, ölənlər arasında qruplaşmanın lideri Abu Bəkr əl-Bağdadi ilə əlaqədar olan hərbi komandir də var.

İraqda Mosul şəhərinin “İslam dövləti” yaraqlılarından azad edilməsi üzrə əməliyyat davam edir.

N.O.

www.oxu.az

0
7