Bu gün Məleykə Əsədovanın 49 yaşı tamam olur – FOTO + VİDEO

Bu gün Məleykə Əsədovanın 49 yaşı tamam olur – FOTO + VİDEO

Onun gözəllik sirri həmişə hamı üçün maraqlı olub.

Bu gün Xalq artisti Məleykə Əsədovanın doğum günüdür. Aktrisa ömrünün 49-cu ilinə qədəm qoyur.

Oxu.Az xəbər verir ki, Məleykə Əlifağa qızı Əsədova 1967-ci il aprel ayının 23-də Neftçala rayonunda anadan olub.

1983-cü ildə Azərbaycan Dövlət və Mədəniyyət Universitetinə (keçmiş Mirzağa Əliyev adına Azərbaycan Dövlət İncəsənət İnstitutu) daxil olub.

Məleykə Əsədova 1989-cu ildə Dövlət Gənclər Teatrının truppasına daxil olub. Aktrisa həmin teatrın səhnəsində müxtəlif illərdə Gültəkin (“Aydın”, Cəfər Cabbarlı), Nəzifə (“Dağ tikirik”, Vaqif Səmədoğlu), Tamara (“Dadaşbala əməliyyatı”, Rəhman Əlizadə), Sədəf (“Sultanqulu körpüsü”, İsi Məlikzadə), Leyli (“Leyli və Məcnun”, Məhəmməd Füzulinin eyniadlı poeması əsasında dramatik kompozisiya) obrazlarını canlandırıb.

1993-cü ildə Akademik Milli Dram Teatrının truppasına daxil olan M.Əsədova burada Dilarə (“Əcəb işə düşdük”, Şıxəli Qurbanov), Zərifə (“Nişanlı qız”, Sabit Rəhman), Nübar (“Məhəbbət yaşadır”, Nahid Hacızadə) və digər obrazları ifa edib.

Aktrisa Azərbaycan Dövlət Televiziyasında hazırlanmış teletamaşalardakı Jalə (“Yad qızı”, Orxan Kamal), Əfsanə (“İtkin gəlin”, Əlibala Hacızadə) kimi müxtəlif obrazları ilə də sevilib.

1994-cü ildə 27 yaşlı gənc aktrisa “İtkin gəlin” adlı 12 seriyalı bədii televiziya filmindəki yaratdığı baş qəhrəman Əfsanə obrazından sonra daha da məşhurlaşır. Hətta həmin və daha sonrakı illərdə yeni doğulan qız uşaqlarına Əfsanə adı verilməsi geniş vüsət alır. Baxmayaraq ki, film dram janrında lentə alınıb və hadislərin mərkəzində Əfsanənin acı teleyi dayanır.

0
26