Gədəbəydə ailə dramı: Qadın bıçaqlandı – FOTO

Gədəbəydə ailə dramı: Qadın bıçaqlandı – FOTO

“Mənim oğlum Jaləni məktəb olan vaxtdan istəyirdi”.

Gədəbəydə bıçaqlanma faktı qeydə alınıb.

Oxu.Az Kəpəz TV-yə istinadən xəbər verir ki, hadisə rayonun Göyəlli kəndində baş verib. 

Gəncə şəhər Təcili Tibbi Yardım Xəstəxanasından verilən məlumata görə, 49 yaşlı Rəfiqə Həsənova təcili tibbi yardım avtomobili ilə xəstəxananın cərrahiyyə şöbəsinə gətirilib. 
Həkimlərin müayinəsi zamanı qadının bədəninə kəsici-deşici alətlə xəsarət yetirildiyi aşkarlanıb. 

Yaralı dərhal əməliyyat olunub. Verilən məlumata görə qadını ailə münaqişəsi zəminində gəlininin qardaşı Ceyhun Musayev bıçaqlayıb. Faktla bağlı araşdırma aparılır.

Rəfiqə Həsənova bildirib ki, onu gəlininin qardaşı bıçaqlayıb: 

"Oğlumla gəlinim dalaşırdı, bizdə soruşanda ki, niyə dalaşırsız deyirdilər ki, sizdik deyil. Biz də deyirdik ki, dalaşmayın cavansız yeni evlənibsiz. Bunun üstündə gəlinimin qardaşı məni bıçaqla vurdu”.

Zərərçəkənin həyat yoldaşı İslam Həsənov isə hadisənin bu gün saat 6-da baş verdiyini qeyd edib:

“Mənim oğlum Jaləni məktəb olan vaxtdan istəyirdi bizdə açığı razı deyildik ki, bu gəlinimiz olsun. Oğlum yarım aydır Bakı şəhərinə gedib orada kirədə qalır".

0
31