Türkiyənin məşhur iş adamına seks tələsi – FOTO

Türkiyənin məşhur iş adamına seks tələsi – FOTO

Azərbaycanda fəaliyyət göstərən tanınmış iş adamı Mustafa Tayat Türkiyədə girov götürülərək qəsb edilib.

Oxu.Az Qafqazinfo-ya istinadən xəbər verir ki, iş adamından şantaj yolu ilə pul alınıb. Belə ki, iş üçün Türkiyəyə gedən Tayatı keçmiş işçisi Lətifə M. qəhvə içmək üçün bir villaya dəvət edib. Bəzi türk saytları isə iş adamının seks “qonaqlığı”na dəvət edildiyini yazır.

Daha sonra 2 nəfər maskalı şəxs həmin villaya gələrək iş adamını girov götürüb və 2 gün əl-ayağı bağlı halda saxlayıb.

İddiaya görə maskalı şəxslər Mustafa Tayatı şantaj edərək qeyri-etik fotolarını yayacaqlarını deyib və ondan 3 milyon türk lirəsi tələb ediblər. Buna nail olmadıqda isə iş adamının 10 min TL-sini alan şəxslər qaçıblar.

Tayat hadisə barədə polisə məlumat verib və hazırda hüquq-mühafizə orqanları stilist Lətifə M. və digər 2 nəfəri axtarır.

A.S.

0
17