Günel Musəvi və Aynur Talıbova Amerikada bir arada – FOTO

Günel Musəvi və Aynur Talıbova Amerikada bir arada – FOTO

İllərdir Amerikada yaşayan aparıcı Günel Musəvi ilə ötən ay ailəsi ilə birlikdə ABŞ-a köçən teleaparıcı Aynur Talıbova Minnesota ştatında bir araya gəliblər.

Oxu.Az xəbər verir ki, bu barədə sosial şəbəkədə G.Musəvi məlumat verib.

“Əziz həmkarım, dostum Aynur Talıbova Minnesota ştatına qonaq gəlib. Həyətin ətrafında gəzintiyə çıxmışıq”, - deyə Günel Musəvi yazıb.

Aynur Talıbova ANS ÇM radiosunda prodüser, dicey, direktor vəzifələrində çalışıb. ANS və “Lider” televiziyalarında müxtəlif müəllif proqramları hazırlayıb. 2005-ci idə ANS-də yayımlanan “Bura Azərbaycandır” layihəsinə görə “Gənclər Mükafatı”, 2008-ci ildə “Lider”də təqdim olunan “Yol” layihəsinə görə isə “Humay Mükafatı”na layiq görülüb.

Günel Musəvi 1999-cu ildə 106 FM radiosunda dj-aparıcı vəzifəsində çalışıb. 2000-ci ildə “ABA” telekanalında Azərbaycanda ilk yerli hit paradı - “Qızıl onluq” verilişini yaradıb və onun aparıcısı olub. Bunun ardınca əyləncəli-musiqili “100%” verilişində aparıcılıq edib. Həmin il “100%” verilişinə görə ilin ən yaxşi musiqili-əyləncəli veriliş nominasiyasında “Grand” mükafatına layiq görülüb.

2001-2002-ci illər ərzində “Lider” teleradio şirkətində “Tezdən oyan” və Lider -107 FM radiosunda “Tərsinə” verilişlərində aparıcı olub. 2003-2004-cü illərdə “Space” TV-də “Çərçivə” musiqili-əyləncəli verilişini yaradıb və bu verilişin aparıcısı olub.

2006-2008-ci illərdə yenidən “Lider” TV-də vaxtı ilə populyar olmuş “100%” verilişini bərpa edib. 2009-cu ildə Amerikanın Alabama ştatının Troy şəhərində “Troy” Universitetində təhsilini davam etdirməyə yollanıb. 2010-cu ildə Amerikanın Minnesota ştatının Sent Pol şəhərinə yerləşib.

“Every Azeri” adlı onlayn jurnalının təsisçisidir. O, eyni zamanda Amerika və Azərbaycanı bir-birinə tanıtmaq məqsədilə “YouTube” ineternet kanalında silsilə verilişlər təqdim edib.

Aytən Sadıqzadə

0
46