İtaliyada Azərbaycan-Ermənistan münaqişəsi müzakirə olunub

İtaliyada Azərbaycan-Ermənistan münaqişəsi müzakirə olunub

İtaliyanın Trento şəhərində “Il Nodo di Gordio” beyin mərkəzi tərəfindən dərc edilmiş “Arqonavtların torpağı: Trentino-Alto Adice muxtariyyəti xalqların birgə yaşaması üçün bir model kimi” (Terre degli Argonauti: L’Autonomia del TrentinoAlto Adige come modello per la convinenza tra i Popoli) adlı kitabın təqdimatına həsr olunmuş tədbir keçirilib.

Oxu.Az-ın məlumatına görə, sözügedən kitabda Ermənistan-Azərbaycan münaqişəsi mövzusuna da yer verilib.

Bu xüsusda, Azərbaycan Respublikasının Prezidenti yanında Strateji Araşdırmalar Mərkəzinin direktor müavini Gülşən Paşayevanın müəllifi olduğu “ATƏT-in vasitəçilik təşəbbüslərinin panoraması: Dağlıq Qarabağ münaqişəsi” adlı məqaləsi, həmçinin bir sıra italyan tədqiqatçılarının da mövzu ilə bağlı məqalələri dərc edilib.

Tədbirdə çıxış edən Azərbaycanın İtaliyadakı səfiri Məmməd Əhmədzadə çıxış edərək Azərbaycanın keçdiyi müstəqillik yolundan danışıb, diqqəti ErmənistanAzərbaycan münaqişəsinə yönəldərək münaqişənin tarixi, siyasi və hüquqi aspektləri, beynəlxalq təşkilatlar tərəfindən münaqişə ilə bağlı qəbul olunmuş sənədlər və münaqişənin nizamlanmasına dair Azərbaycanın mövqeyi barədə məlumat verib.

N.O.

0
12