18 ton Azərbaycan alması Dağıstana buraxılmayıb

18 ton Azərbaycan alması Dağıstana buraxılmayıb

Azərbaycandan Dağıstana (Rusiya) 18 ton təzə almanın ixracının qarşısı alınıb. Məhsulun tədarükünə Rusiya-Azərbaycan sərhədində, “Yaraq-Qazmalar” beynəlxalq avtomobil buraxılış məntəqəsində Rusiya fitosanitariya və baytarlığa nəzarət Xidmətinin (Rosselxoznadzor) Dağıstan üzrə İdarəsinin müfəttişləri qadağa qoyub.

Oxu.Az Report-a istinadən xəbər verir ki, bu barədə “Rosselxoznadzor” məlumat yayıb.

Məlumata əsasən, məhsulun geri qaytarılmasına Ümumrusiya Bitkilərin Karantin Mərkəzinin Dağıstan filialının almalarda karantin zərərvericisi hesab edilən şərq alma qurdunun (Grapholitha molesta Busck) tapılmasına dair rəyi səbəb olub.

“Bununla da yük sahibi “Bitkilərin karantini haqqında” qanunun 15-ci maddəsini pozub və RF İnzibati Xətalar Məcəlləsi üzrə inzibati məsuliyyətə cəlb olunub”, – deyə qurumdan bildirilib.

A.M.

0
10