“PAŞA Sığorta” Zaqatalada yeni nümayəndəliyini açdı – FOTO

“PAŞA Sığorta” Zaqatalada yeni nümayəndəliyini açdı – FOTO

Daima müştəri məmnuniyyətini və rahatlığını artırmaqda səylərini əsirgəməyən “PAŞA Sığorta” şirkəti oktyabr ayının 7-i Zaqatala rayonunda yeni nümayəndəliyini müştərilərin xidmətinə verib.

Təntənəli açılış mərasimində “PAŞA Sığorta” ASC-nin departament və şöbə rəhbərləri, həmçinin yerli icra hakimiyyətinin rəhbər və məsul işçiləri iştirak ediblər.

Müasir tələblərə tam cavab verən yeni nümayəndəlik Zaqatala rayonu, Faiq Əmirov küçəsi 48 ünvanında fəaliyyət göstərəcək.

Nümayəndəlik şəbəkəsinin genişlənməsi “PAŞA Sığorta” şirkətinin əsas inkişaf prioritetləri sırasındadır, əsas məqsəd isə tək Bakı şəhərində deyil, həmçinin regionlarda yaşayan əhalinin bütün sığorta xidmətlərindən rahat şəkildə faydalanmasını, baş verən sığorta hadisələri zamanı isə peşəkar heyətin dəstəyi ilə müştərilərə operativ xidmətin göstərilməsini təmin etməkdir.

Qeyd edək ki, “PAŞA Sığorta” şirkəti 2006-cı ildən fəaliyyət göstərir. “PAŞA Holding” qrupunun üzvü olan “PAŞA Sığorta” korporativ və fərdi müştərilərə 36 növ könüllü və icbari sığorta üzrə xidmət göstərir.

Müştərilərinin məmnuniyyətini daima yüksək səviyyədə saxlayan “PAŞA Sığorta” 10 illik fəaliyyət müddəti ərzində ümumilikdə 115 milyon 890 min 100 manat sığorta ödənişi edib.

Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətidir.

U.A.

0
9