Nüfuzlu respublikaçılar Trampdan üz döndərdi

Nüfuzlu respublikaçılar Trampdan üz döndərdi

ABŞ prezidenti postuna Respublikaçılar partiyasından namizədliyi irəli sürülən Donald Trampın qadınlar barədə təhqiramiz ifadələrinin əks olunduğu videoçarx dərc edildikdən sonra bir sutka ərzində 40-dək nüfuzlu respublikaçı onu dəstəkləməkdən imtina edib.  

APA-nın “RİA Novosti”yə istinadən verdiyi xəbərə görə, Trampı dəstəkləməkdən imtina etmiş respublikaçılar arasında nüfuzlu senator, 2008-ci ildə prezidentliyə namizədliyini irəli sürmüş Con Makkeyn, sabiq dövlət katibi Kondoliza Rays, Kaliforniyanın keçmiş qubernatoru, tanınmış aktyor Arnold Şvartsneqqer və sairləri var.

“Kifayətdir! Donald Tramp prezident olmamalıdır. O öz namizədliyini geri götürməlidir”, - deyə Rays “Feysbuk” səhifəsində yazıb.

Vitse-prezident Co Bayden Trampı qadınlara qarşı cinsi zorakılıqda ittiham edib.

Donald Trampın 11 il əvvəl qadınlar barədə səsləndirdiyi təhqiramiz ifadələrinin əks olunduğu videoçarx ABŞ-da rezonans yaradıb.

Qeyd edək ki, Tramp seçki kampaniyasını tərk etməyəcəyini bəyan edib.  

0
8