Beynəlxalq teatr təşkilatlarının rəhbərləri Bakıya gələcək

Beynəlxalq teatr təşkilatlarının rəhbərləri Bakıya gələcək

7-8 noyabr tarixində Mədəniyyət və Turizm Nazirliyinin təşkilatçılığı ilə “Multikulturalizm və teatr” mövzusunda IV Bakı Beynəlxalq Teatr Konfransı keçiriləcək.

Bu barədə Oxu.Az-a nazirliyin İnformasiya və ictimaiyyətlə əlaqələr şöbəsindən bildirilib.

“Azərbaycan teatrı 2009-2019-cu illərdə” Dövlət Proqramına uyğun olaraq, artıq dördüncü dəfə təşkil olunan beynəlxalq teatr forumunun əsası 2010-cu ildə qoyulub.

IV Bakı Beynəlxalq Teatr Konfransının təşkilat komitəsindən verilən məlumata görə, tədbirə 40-dək ölkədən 150-yə yaxın nümayəndənin, o cümlədən beynəlxalq teatr qurumlarının rəhbər və təmsilçilərinin qatılacağı gözlənilir.

Konfransın iştirakçıları arasında Beynəlxalq Teatr Tədqiqatları Federasiyasının prezidenti Cin Qrehem-Cons (ABŞ), Beynəlxalq Teatr İnstitutunun prezidenti Məhəmməd Ələfxam (Birləşmiş Ərəb Əmirlikləri), Beynəlxalq Teatr İnstitutunun baş direktoru Tobias Byankoni (İsveçrə), institutun Yaxın Şərq ölkələri üzrə müşaviri İbrahim Assiri (Səudiyyə Ərəbistanı), Musiqili Teatrlar Birliyinin baş katibi Natalya Zıkova (Rusiya), Beynəlxalq Teatr Tədqiqatları Federasiyası idarə heyətinin üzvü Boris Daussa-Pastor (İspaniya) və başqa teatr qurumlarının, müxtəlif ölkələrin aparıcı teatrlarının rəhbərləri, tanınmış teatrşünaslar yer alacaqlar.

A.S.

0
11