Neft Fondu gənclərin xaricdə təhsilinə 5 milyon manat ayırdı

Neft Fondu gənclərin xaricdə təhsilinə 5 milyon manat ayırdı

Yeni hesabat.

2016-cı ilin yanvar-mart aylarında Dövlət Neft Fonunun (SOFAZ) 5 milyon manat vəsait “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” nın maliyyələşdirilməsinə yönəldilib. 

Bu barədə SOFAZ-dan Oxu.Az-a bildirilib. 

Fonddan bildirilib ki, qaçqın və məcburi köçkün ailələrinin məskunlaşdırılması və sosial-məişət vəziyyətinin yaxşılaşdırılması üzrə tədbirlərin həyata keçirilməsinə 26,5 milyon manat ayrılıb. 

Bundan başqa, Fondun hesabatına görə, Samur-Abşeron suvarma sisteminin yenidən qurulmasına 6,3 milyon manat, “Bakı-Tbilisi-Qars yeni dəmir yolu” layihəsinin maliyyələşdirilməsinə SOFAZ-dan 2,4 milyon manat vəsait ayrılıb. 

““Cənub Qaz Dəhlizi” layihəsi üzrə isə 241,9 milyon manat vəsait ayrılıb”, - deyə Neft Fondu qeyd edib.  

Bundan başqa, Fondun hesabatına görə, 2016-cı il ərzində SOFAZ-ın idarə edilməsi ilə bağlı xərcləri 4,6 milyon manat təşkil edib. 

0
29