Rusiya OPEK-in İstanbulda keçiriləcək görüşündə iştirak edəcək

Rusiya OPEK-in İstanbulda keçiriləcək görüşündə iştirak edəcək

Rusiya OPEK üzvlərinin İstanbulda keçirilən danışıqlarına qoşulacaq.

Oxu.Az TASS-a istinadən xəbər verir ki, bu barədə Venesuelanın neft sənayesi naziri Euloxio del Pino bildirib.

Euloxio del Pinonun sözlərinə görə, görüşdə Səudiyyə Ərəbistanı, Əlcəzair, Qətər və BƏƏ-nin nazirləri, eləcə də Rusiyanın energetika naziri Aleksandr Novak iştirak edəcək.

Venesuela nazirinin sözlərinə görə, görüşdə OPEK-ə daxil olmayan ölkələrin, təşkilatın üzv-ölkələrinin neft hasilatının məhdudlaşmasına dair əldə etdikləri razılaşmada iştirakı müzakirə ediləcək.

Daha öncə “Reuters” Əlcəzairin energetika naziri Nürəddin Butarfuya istinadən OPEK-in üzv-ölkələrinin və təşkilata üzv olmayan dövlətlərinin görüşünün 8-13 oktyabrda İstanbulda keçiriləcəyinə dair məlumat yaymışdı.


N.O.

0
14