Zemfira Adıgözəlova: Sən demə, ən ehtiraslı atı seçmişəm – FOTOSESSİYA

Zemfira Adıgözəlova: Sən demə, ən ehtiraslı atı seçmişəm – FOTOSESSİYA

Teleaparıcı Zemfira Adıgözəlova yeni fotosessiya etdirib.

Oxu.Az xəbər verir ki, o, şahzadə obrazını yaradıb.

Çəkiliş zamanı Zemfira xanım çətin anlar yaşayıb:

“Fotosessiya üçün seçdiyim atla bağlı mənə xəbərdarlıq etdilər. Atın kaprizli olduğunu söyləyib, onunla çəkiliş etməyi məsləhət bilmədilər. Lakin atın rəngi, gözəlliyi və geyimimə uyğunluğu baxımından məhz onunla fotosessiya edəcəyimi təkidlə israr etdim.

Çəkilişin əvvəli rahat keçsə də, sonrakı prosesdə at kaprizlərini göstərməyə başladı. Atın yəhərini əlimdə saxlaya bilmirdim. Var gücü ilə çəkiliş meydançasından qaçmaq istəyirdi. Sən demə, mən atçılıq mərkəzində olan ən ehtiraslı atı seçmişəm. Meydançada dişi atların olması, bizə əməlli-başlı çətinlik yaşatdı. At çəkiliş prosesini tərk edib, dişi atların yanına getmək istəyirdi. Çətinliklə də olsa, fotosessiyamızı uğurla yekunlaşdırmağı bacardıq”.

Teleaparıcının makiyajı üzərində stilist-vizajist Nura Babayeva çalışıb.

Fotoların müəllifi Ruslan Teymurlatovdur.

Aytən Sadıqzadə

0
102