Xəyyam Mirzəzadənin doğum günüdür

Xəyyam Mirzəzadənin doğum günüdür

Bu gün bəstəkar, Əməkdar incəsənət xadimi, professor, Xalq artisti, “Şöhrət” ordeni laureatı Xəyyam Mirzəzadə 81 yaşını qeyd edir.

Oxu.Az xəbər verir ki, o, 1935-ci il oktyabrın 5-də Bakıda anadan olub. 1957-ci ildə Üzeyir Hacıbəyov adına Azərbaycan Dövlət Konservatoriyasını bitirib. Həmin ildən orada çalışır. 1969-1983-cü illərdə kompozisiya kafedrasının müdiri olub. 52 il Azərbaycan Bəstəkarlar İttifaqının üzvü olub.

Onun əsərləri Avstriya, İngiltərə, Macarıstan, Hollandiya, Almaniya, İtaliya, Fransa və s. ölkələrdə ifa olunur. 30-dan artıq kinofilmə və 15 dram tamaşasına, estrada və caz pyeslərinə, populyar mahnılara musiqi bəstələyib.

Haqqında “Bir ömrün fəsilləri: Xəyyam Mirzəzadə - 75” adlı sənədli film çəkilib.

A.S.

0
5