Evlənmək istəyən 73 nəfərdə “SPİD” aşkarlandı

Evlənmək istəyən 73 nəfərdə “SPİD” aşkarlandı

Müayinəyə gələnlərin sayı artıb.

Azərbaycanda son 10 ayda nikaha daxil olmaq istəyən 117 500 nəfər müayinə edilib.

Oxu.Az-ın xəbərinə əsasən, B. Eyvazov adına Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva APA-ya  deyib ki, nikaha daxil olmaq istəyən 6521 nəfərin talassemiya daşıyıcı, 74 nəfərin QİCS, 363 nəfərin isə sifilis xəstəsi olduğu aşkarlanıb. 

Onun sözlərinə görə, 50 cütlüyün isə hər ikisinin talassemiya daşıyıcısı olduğu üzə çıxıb.

“Bunlardan 5-6 cütlük nikaha daxil olmaqdan imtina edib. Ancaq xəstə cütlüklərdən ailə quranlar da var ki, hətta onlardan 6-da hamiləlik müşahidə edilir. Həmin cütlüklərdən birində dölün perinatal diaqnostikası aparılıb və nəticədə döldə xəstəlik aşkarlanıb. Həmin gənclər hamiləliyi pozmağı qərara veriblər. Digər 5 dölün də müayinəsi aparılıb, onların heç birində xəstəlik aşkar edilməyib”, - deyə Z.Əlimirzəyeva bildirib.

Direktor əlavə edib ki, nikaha daxil olmaq istəyən gənclər arasında müayinəyə gələnlərin sayı artıb.

0
10