Türkiyədə 13 minə yaxın polis əməkdaşı işdən çıxarılıb

Türkiyədə 13 minə yaxın polis əməkdaşı işdən çıxarılıb

Türkiyədə dövlət çevrilişində ittiham edilən Fətullah Gülən ilə əlaqədə şübhəli bilinən 12 min 801 polis əməkdaşı işdən çıxarılıb.

Oxu.Az RİA Novosti-yə istinadən xəbər verir ki, bu barədə polis idarəsindən bildirilib.

Onların 2 min 523-ü yüksək vəzifəli polisdir.

İyulun 16-na keçən gecə Türkiyədə bir qrup qiyamçı dövlət çevrilişinə cəhd edib. Əsas qarşıdurmalar Ankara və İstanbulda olub.

246 türk vətəndaşı həlak olub, 2 minə yaxın şəxs müxtəlif dərəcəli xəsarətlər alıb, qiyam yatırılıb. Türkiyə hakimiyyəti Güləni qiyamın təşkilində ittiham edərək ABŞ-dan onun ekstradisiyasını tələb edib.

Gülən özü qiyamı pisləyib və bu qiyama heç bir aidiyyəti olmadığını söyləyib.

A.M.

www.oxu.az

0
4