Rusiyada saxlanılan ukraynalı jurnalist barədə FTX-nin MƏLUMATI

Rusiyada saxlanılan ukraynalı jurnalist barədə FTX-nin MƏLUMATI

Rusiya Federal Təhlükəsizlik Xidməti (FTX) ukraynalı jurnalist Roman Suşenkonun saxlanılması ilə bağlı məlumat yayıb.

APA-nın Moskva müxbirinin verdiyi məlumata görə, R. Şuşenkoya qarşı casusluq maddəsi ilə ittiham irəli sürülüb.

FTX R. Suşenkonun Ukraynanın "Ukrinform" agentliyinin müxbiri olmaqla yanaşı Baş Kəşfiyyat İdarəsinin zabiti olduğunu açıqlayıb. Bildirilib ki, R. Suşenko casusluq fəaliyyəti ilə məşğul olarkən yaxalanıb. Rusiya xüsusi xidmət orqanlarının əməkdaşları ukraynalı jurnalistin Ukrayna Müdafiə Nazirliyinin Baş Kəşfiyyat İdarəsinin polkovniki olduğunu qeyd ediblər.

FTX-nin məlumatına görə, R. Suşenko Moskvada Rusiya ordusu və Milli Qvardiyanın fəaliyyətinə dair gizli məlumatları toplayıb.

Hazırda R. Suşenko Moskvanın "Lefortovo" istintaq təcridxanasında saxlanılır.

Rusiya Xarici İşlər Nazirliyi artıq ukraynalı jurnalistin FTX tərəfindən casusluq ittihamı ilə saxlanılmasına münasibət bildirib. Nazirlik R. Suşenkonun Rusiyada jurnalist fəaliyyəti ilə məşğul olmadığını və jurnalist akkreditasiyası almaq üçün Rusiya XİN-ə müraciət etmədiyini açıqlayıb: "Suşenkoda Rusiya Federasiyası ərazisində əcnəbi jurnalistlərə verilən akkreditasiya olmayıb. Suşenko Rusiya ərazisində jurnalist funksiyasını yerinə yetirməyib".

0
8