Jirinovski: Konstitusiyaya düzəlişlər Azərbaycanda sabitliyi möhkəmləndirəcək

Jirinovski: Konstitusiyaya düzəlişlər Azərbaycanda sabitliyi möhkəmləndirəcək

Konstitusiyada edilən dəyişikliklər Azərbaycanı daha da təhlükəsiz və inamlı edəcək.

Oxu.Az xəbər verir ki, bunu Rusiya Liberal Demokrat Partiyasının (RLDP) lideri Vladimir Jirinovski “Moskva-Baku” nəşrinə verdiyi müsahibəsində Azərbaycanda keçirilən referendumu şərh edərkən bildirib.

“Referendum – vətəndaşların iradəsinin nümayişinin ali formasıdır. Ölkənin Konstitusiyasına dəyişikliklər edilməsinə dair məsələnin həllində Azərbaycanın belə demokratik formaya müraciət etməsi yaxşıdır, bu o deməkdir ki, dövlət xalqın fikrinə önəm verir.

Konstitusiyaya dəyişikliklərin edilməsi bütün dünyada təcrübədən keçirilir, məqsəd isə ölkə qanunvericiliyinin təkmilləşdirilməsidir. Əminik ki, Konstitusiyada edilən dəyişikliklər Azərbaycanın siyasi həyatını yaxşılaşdıracaq, onu daha da təhlükəsiz və inamlı edəcək”, - Jirinovski müsahibəsində bildirib.

N.O.

0
7