Aydın Əliyev Filippinin maliyyə nazirinin müavini ilə görüşüb

Aydın Əliyev Filippinin maliyyə nazirinin müavini ilə görüşüb

Filippin Respublikasının Manila şəhərində Ümumdünya Gömrük Təşkilatının Gömrük sahəsində Akademik Araşdırma və İnkişaf üzrə Tərəfdaşlıq Proqramının (PICARD) 11-ci illik Konfransı çərçivəsində Dövlət Gömrük Komitəsinin  sədri, gömrük xidməti general-leytenantı Aydın Əliyevlə Filippinin maliyyə nazirinin müavini Antonett Tionko  arasında  ikitərəfli görüş keçirilib.

Dövlət Gömrük Komitəsindən Lent.az-a verilən məlumata görə, görüşdə Aydın Əliyev Azərbaycan gömrük xidməti haqqında ətraflı məlumat verib. Komitə sədri bildirib ki, 25 il əvvəl yaranmasına baxmayaraq Azərbaycan gömrüyü sürətli inkişaf yolu keçib. Tarixi “İpək Yolu” üzərində yerləşən Azərbaycanın şimal-cənub, şərq-qərb ticarət dəhlizlərini özündə birləşdirdiyini vurğulayan Komitə sədri Azərbaycanın tranzit yükdaşımalarındakı rolundan, bu istiqamətdə Azərbaycan gömrük xidmətinin həyata keçirdiyi lahiyələrdən, ticarətin sürətləndirilməsi və asanlaşdırılması istiqamətində atdığı addımlardan, son illərdə həyata keçirilən islahatlardan ətraflı bəhs edib.

Aydın Əliyev Dövlət Gömrük Komitəsinin Hədəf mərkəzi və informasiya texnologiyalarının  gömrük sistemində tətbiqi barədə də qarşı tərəfi ətraflı məlumatlandırıb.

 Filippin Respublikasının maliyyə nazirinin müavini xanım Antonett Tionko Azərbaycan nümayəndə heyəti ilə görüşdən məmnunluq duyduğunu ifadə edib. Azərbaycan gömrük xidmətində həyata keçirilən islahatların və inkişaf lahiyələrinin onda böyük maraq doğurduğunu ifadə edən xanım Tionko ölkələrimiz arasında bütün sahələrdə, o cümlədən gömrük sahəsində əlaqələrin daha da inkişaf etdirilməsinin, qarşılıqlı əməkdaşlığın gücləndirilməsinin vacibliyini vurğulayıb.

0
7