Azərbaycanda Qafqazın ən böyük tikiş fabriki açılır

Azərbaycanda Qafqazın ən böyük tikiş fabriki açılır

Tikiş fabrikinin 2 min işçisi olacaq və idxaldan asılılıq 30% azalacaq.Yaxın vaxtlarda Azərbaycanda ölkənin və ümumilikdə Qafqazın ən böyük tikiş fabriki açılacaq.

Oxu.Az İqtisadiyyat nazirliyinə istinadən xəbər verir ki, yeni müəssisə Mingəçevir Sənaye Parkında fəaliyyət göstərəcək.

Onun yaradılmasında məqsəd Azərbaycanın hazır geyim məhsullarına olan tələbatı ödəmək və idxaldan olan asılılığı azaltmaqdır.

Fabrikdə Almaniya və Yaponiya istehsalı olan müasir tikiş avadanlıqları quraşdırılacaq və ildə 2 milyon ədəddən çox geniş çeşidli və müxtəlif təyinatlı geyim və tekstil məhsulları istehsal olunacaq.

Bununla da hazır tekstil məhsulları və geyim üzrə idxaldan asılılıq ən azı 30% azalacaq. Tikiş fabrikində 2 mindən çox yeni iş yeri açılacaq.

U.A.

0
6