Bakı-Sumqayıt yolunda nəqliyyatın hərəkəti məhdudlaşdırılacaq

Bakı-Sumqayıt yolunda nəqliyyatın hərəkəti məhdudlaşdırılacaq

Sürücülərə alternativ yol göstərilib.Bakı-Sumqayıt yolunun 12-ci km-də (“Xırdalan qəbiristanlığı”) yerüstü piyada keçidinin metal konstruksiyasının quraşdırılması ilə əlaqədar olaraq, sözügedən ərazidə nəqliyyat vasitələrinin hərəkətinə məhdudiyyət tətbiq olunacaq.

Bu barədə “Azəravtoyol” ASC-dən Oxu.Az-a bildirilib.

“Sentyabr ayının 17-si saat 12:00-dan etibarən yolun Bakı şəhəri istiqamətinə doğru olan hissəsi, 18 sentyabr saat 07:00-dan isə Sumqayıt şəhəri istiqamətinə doğru olan hissəsi hərəkət üçün qısa müddətlik bağlanacaq.

Məhdudiyyət sentyabr ayının 18-dən 19-na keçən gecəyədək tətbiq olunacaq.

Sürücülər alternativ olaraq Xırdalan şəhərinin daxili avtomobil yollarından istifadə etməklə hərəkətlərinə davam edə bilərlər.

Belə ki, Sumqayıt istiqamətindən gələn nəqliyyat vasitələri 16,5-ci km-dən (“Vaz dairəsi”) və ya 13-cü km-dən (Masazır yol ötürücüsü) Xırdalan şəhərinə daxil olaraq, daha sonra 11-ci km-də “Xırdalan dairə”nə çıxmaqla hərəkətlərini davam etdirəcəklər. Göstərilən alternativ yolla Bakı istiqamətindən gələn sürücülər də istifadə edə bilərlər.

Yaranacaq müvəqqəti narahatlığa görə vətəndaşlardan üzr istəyirik və sürücülərdən aparılan işlərə anlayışla yanaşmalarını xahiş edirik”, - deyə qurumdan qeyd edilib.

Ülviyyə R. Əli

0
5