Rusiyadan Azərbaycana qonaq gələn qızı qəbiristanlıqda zorladılar

Rusiyadan Azərbaycana qonaq gələn qızı qəbiristanlıqda zorladılar

Rusiyadan Azərbaycana gələn gənc qız Cəlilabad rayonunda zorlanıb.

Oxu.Az xəbər verir ki, “Qafqazinfo”nun əldə etdiyi məlumata əsasən, dəhşətli hadisə təxminən bir həftə əvvəl baş verib.

Rusiya Federasiyasının Omsk vilayətindən olan qadın orada yaşayan azərbaycanlı oğlanın xahişini yerinə yetirmək üçün Cəlilabad rayonunun Günəşli kəndinə yola düşüb. Belə ki, həmyerlimiz həmin xanıma gül verib və xahiş edib ki, Günəşli kəndinin qəbiristanlığında olan atasının qəbrinin üstünə qoysun. Rusiyalı qadın bu xahişi yerinə yetirmək üçün Cəlilabada gedib. Alar kəndinə taksidən düşərək Günəşli kəndinə gedən maşına minib.

Sözügedən qızla eyni maşında Bakıdan gələn gənc oğlan yolda söhbət zamanı hadisəni bilib və kənddəki tanışlarına bu barədə məlumat verib. Rus qız qəbiristanlığa daxil olduqdan sonra həmin şəxslər ona hücum ediblər. Qızı döyərək uzun müddət zorlayıblar.

Faktla bağlı Cəlilabad rayon prokurorluğunda cinayət işi açılıb. Hadisədə şübhəli bilinən 3 nəfər saxlanılıb. Cəlilabad rayon prokurorluğu və Cəlilabad rayon Polis Şöbəsindən “Qafqazinfo”ya faktı təsdiqləyiblər. Lakin ətraflı məlumat verilməyib.

Hadisə ilə bağlı Rusiya səfirliyi də məlumatlandırılıb. Zərərçəkən xanım səfirliyə şikayət edib.

0
9